İranın tələbləri regionda müharibənin dayandırılması, dəniz blokadasına son qoyulması, eləcə də əsassız şəkildə dondurulmuş İran aktivlərinin azad edilməsindən ibarət olub.

APA-nın Tehran bürosunun məlumatına görə, bu barədə İran Xarici İşlər Nazirliyinin (XİN) sözçüsü İsmayıl Bəqai bildirib.

Bəqai deyib ki, Hörmüz boğazında təhlükəsiz və sərbəst keçid məsələsi, həmçinin Livan da daxil olmaqla, bütün regionda təhlükəsizlik kimi mövzular mühüm gündəm maddələri olub.

O qeyd edib ki, irəli sürülən tələblər təkcə İran üçün deyil, bütün region və dünya üçün məntiqli və qəbulolunan hesab edilə bilərdi.

Bəqainin sözlərinə görə, bütün bu məsələlərin təqdim olunan paket çərçivəsində müzakirə olunması nəzərdə tutulsa da, ABŞ əsassız tələblərində israr edir.

Oxşar xəbərlər

XİN: İran üçün Cənubi Qafqazda təhlükəsizlik vacibdir

Bəqai: İran ABŞ tərəfindən ötürülən rəyləri nəzərdən keçirir

İran XİN rəhbəri: Regionda sərhədlərin dəyişdirilməsi bizim üçün qırmızı xətdir

İran XİN: Dəməşqdəki səfirliyi yenidən açmaq üçün hazırlıqlara ehtiyacımız var

İran XİN: Azərbaycan və Ermənistan arasında sülh sazişi üzrə anlaşmanı təqdir edirik