İsraildə İran kəşfiyyatı ilə əməkdaşlıqda şübhəli bilinən 4 nəfər həbs edilib.

APA xəbər verir ki, bu barədə İsrail polisi, Daxili Təhlükəsizlik Xidməti və ordu birgə məlumat yayıb.

Məlumata görə, İran kəşfiyyatı ilə əməkdaşlıqda şübhəli bilinənlərdən üçü əsgər, bir nəfər isə mülki şəxsdir.

Məlumatda deyilir ki, əsgərlər hələ hərbi xidmətdən əvvəl, yeniyetmə yaşlarında İran kəşfiyyatı ilə əlaqədə olublar və casusluq əməliyyatlarında iştirak ediblər.

İsrail Hərbi Hava Qüvvələrinin texniki məktəbində təlim keçən əsgərlər sözügedən obyektin və ətrafının fotolarını çəkib İrana göndəriblər.

Saxlanılanlar dəmiryolu stansiyaları, ticarət mərkəzləri və təhlükəsizlik kameraları ilə bağlı məlumatları da İran kəşfiyyatına ötürüblər.

Mart ayında həbs olunan 4 nəfər bu gün məhkəmə qarşısına çıxarılacaq.

Oxşar xəbərlər

İsrail ordusunun hərbçisi İrana casusluq ittihamı ilə həbs edilib

İsrail KİV: Casusluqda ittiham olunan qadın Hayfa neft emalı zavodunun görüntülərini İrana göndərib

Almaniyada Çinə casusluqda ittiham olunan ABŞ vətəndaşı həbs edilib

İsraillə müharibədən sonra həbs edilən bəzi İran vətəndaşları casusluqda ittiham olunur

İran İsrailə casusluqda ittiham olunan şəxsi edam edib