İsrail ordusunun hərbçisi İrana casusluq ittihamı ilə həbs edilib

İsrail ordusunda bir əsgər İran üçün casusluq etmək ittihamı ilə həbs edilib.

Sizinxeber.az İsrail mediasına istinadən xəbər verir ki, bu barədə Daxili Təhlükəsizlik Xidməti (Şin Bet) və polis məlumat yayıb.

Məlumata görə, sözügedən israilli hərbçi İran kəşfiyyatına bağlı şəxslərlə bilərəkdən təmas qurub və onların verdiyi tapşırıqları icra edib.

Bu tapşırıqlara 12 günlük İran-İsrail münaqişəsi zamanı İsraildə hədəfə dəyən raket zərbələrinin şəkil və videolarını çəkərək İrana ötürmək də daxildir.