Banqladeş prezidenti Şahabuddin Çuppu sabiq baş nazir və müxalifət lideri Xalidə Ziyanın ev dustaqlığından, eləcə də tələbə etirazçıların həbsdən azad edilməsi barədə göstəriş verib.

Sizinxeber.az xəbər verir ki, bu barədə “Agence France-Presse” (AFP) xəbər agentliyi məlumat yayıb.

AFP xəbər verir ki, prezidentin sədrliyi ilə keçirilən iclasdan sonra Banqladeş Milliyyətçi Partiyasının (BNP) sədri Xalidə Ziya və tələbə nümayişləri zamanı həbs olunanların hamısının dərhal azad edilməsi barədə yekdil qərar qəbul edilib.

Xalida Ziya bundan əvvəl iki dəfə Banqladeşin baş naziri olub. 2008-ci ildə məhkəmə onu rüşvətxorluğa görə 17 il müddətinə azadlıqdan məhrum edib. Ziya iki il həbsdə yatıb və şərti azadlığa çıxaraq ev dustaqlığına buraxılıb.

Banqladeş Milliyyətçi Partiyasının tərəfdarları onun cəzasının siyasi motivli olduğunu iddia edirlər.

Oxşar xəbərlər

Qvineyanın sabiq prezidenti 20 il müddətinə azadlıqdan məhrum edilib

“Tərtər işi” ilə bağlı ittiham olunan general-mayor Bəkir Orucov son söz deyib

Külli miqdarda mənimsəmədə ittiham olunan “SOCAR-AQŞ”nin sabiq baş direktorunun məhkəməsi başlayıb

KİV: ABŞ və Rusiya arasında məhbus mübadiləsi olub, "Wall Street Journal"ın müxbiri azad edilib

Albaniyanın korrupsiyada ittiham olunan keçmiş Baş nazirinə ev dustaqlığı verilib