Ermənistanın Baş naziri Nikol Paşinyan ilə Türkiyə Prezidenti Rəcəb Tayyib Ərdoğan İstanbulda görüş zamanı iki ölkə arasında münasibətlərin normallaşması prosesini müzakirə edib, konstruktiv dialoqun davam etdirilməsinin və konkret nəticələrin əldə olunmasının vacibliyini vurğulayıblar.

APA xəbər verir ki, bu barədə Ermənistan höküməti məlumat yayıb.

Tərəflər, həmçinin, regional hadisələrə toxunaraq bu kontekstdə ikitərəfli əməkdaşlığın mümkün istiqamətləri barədə fikir mübadiləsi aparıblar.

Baş nazir Paşinyan Ermənistanın regionda sülh və sabitliyin təmin olunması prosesinə sadiqliyini vurğulayıb və qonşularla münasibətlərin normallaşdırılması siyasətini davam etdirmək əzmində olduğunu bildirib.

İki ölkənin liderləri birbaşa təmasların və dialoqun davam etdirilməsinə hazır olduqlarını təsdiqləyiblər. Görüş zamanı Ermənistan ilə Azərbaycan arasında sülh prosesinə dair də fikir mübadiləsi aparılıb.

Oxşar xəbərlər

Ərdoğan-Paşinyan görüşü yekunlaşıb, müzakirə olunan məsələlər açıqlanıb

Nikol Paşinyan və Marko Rubio arasında telefon danışığı baş tutub

Şolts və Paşinyan Azərbaycan-Ermənistan normallaşma prosesini müzakirə edib

Paşinyan Fransa XİN başçısı ilə Azərbaycanla sülh prosesini müzakirə edib

Ərdoğan-Paşinyan görüşü yekunlaşıb, müzakirə olunan məsələlər açıqlanıb - YENİLƏNİB