Kanada Kiyevə 440 milyon Kanada dolları (305,7 milyon dollar) dəyərində hərbi yardım göntərmək niyyətindədir.

APA xəbər verir ki, bu barədə ölkənin müdafiə naziri Uilyam Bleyerin, Almaniyanın Ramşteyn aviabazasında Ukraynaya silah tədarükünün koordinasiyası üzrə təmas qrupunun iclasının yekunlarına dair bəyanatında deyilir.

Bu vəsaitin 200 milyon Kanada dolları (təxminən 139 milyon dollar) Ukrayna ordusuna mərmi almaq üçün Çexiya təşəbbüsünə gedəcək. 50 milyon Kanada dolları (34,7 milyon dollar) isə Kiyevə artilleriya mərmiləri göndərəcək olan Kanada silah istehsalçılarına köçürüləcək.

Yerdə qalan vəsait isə digər məsələlərlə yanaşı, onlar üçün PUA və avadanlıqların alınmasına, həmçinin qış geyimlərinin alınmasına sərf olunacaq.

Qeyd edək ki, 2022-ci ilin fevral ayından Kanada Kiyevə 4,5 milyard Kanada dollarından (3,13 milyard dollar) çox hərbi yardım göstərib.

Oxşar xəbərlər

Kanada Ukraynaya 47 milyon dollarlıq növbəti yardım paketini elan edib

Kanada gələn il NASAMS kompleksini Ukraynaya verəcək

Almaniya Ukraynaya 683 milyon dollar hərbi yardım ayıracaq

Kanada Ukraynaya NASAMS HHM sistemi verdiyini təsdiqləyib

Kanada Ukraynaya 80 mindən çox raket mühərriki verəcək