Böyük Britaniya kralı III Çarlz ABŞ-a dövlət səfəri çərçivəsində Konqresdə çıxış edərək NATO-nun qorunmasının əhəmiyyətini vurğulayıb.

Bu barədə Sky News məlumat yayıb.

III Çarlz bildirib ki, Atlantik okeanının dərinliklərindən Arktikanın əriməkdə olan buzlaqlarına qədər ABŞ və müttəfiqlərinin silahlı qüvvələrinin təcrübəsi və sədaqəti NATO-nun əsasını təşkil edir. Kral qeyd edib ki, alyans çərçivəsində ölkələr bir-birinin müdafiəsinə, vətəndaşların və milli maraqların qorunmasına sadiqdir və bu əməkdaşlıq onilliklər boyu formalaşıb.

Kral həmçinin Böyük Britaniyanın müdafiə xərclərini artırmalı olduğunu bildirib. Onun sözlərinə görə, mövcud təhdidlər Britaniya müdafiə sisteminin transformasiyasını zəruri edir və ölkə Soyuq müharibə dövründən bəri ən böyük davamlı müdafiə xərcləri artımına gedib.

Kral Ukraynaya dəstəyin davam etdirilməsinə də çağıraraq “həqiqətən ədalətli və uzunmüddətli sülh”ün təmin olunmasının vacibliyini qeyd edib.

Oxşar xəbərlər

Pit Heqset: NATO üzvü ölkələrin müdafiə xərclərini ÜDM-in 5%-i səviyyəsində artırmaq öhdəliyi qəbul ediləcək

Bakıda NATO proqramı çərçivəsində treninqlər keçirilib

Zaxarova: Ukraynanın Rusiyada törətdiyi terror aktlarının arxasında ABŞ, Britaniya və NATO dayanır