​Azərbaycan və Özbəkistanın müdafiə nazirlikləri arasındakı hərbi əməkdaşlıq planına əsasən, Özbəkistan Respublikası Silahlı Qüvvələrinin nümayəndə heyəti ölkəmizə səfər edib.

Müdafiə Nazirliyindən APA-ya verilən xəbərə görə, Milli Müdafiə Universitetində (MMU) keçirilən görüşdə universitetin yaranma tarixi, fəaliyyəti və tabeliyində fəaliyyət göstərən xüsusi təyinatlı təhsil müəssisələri barədə brifinqlər təqdim olunub, hərbi təhsil sisteminin cari vəziyyəti təhlil edilib.

​Səfər çərçivəsində özbəkistanlı qonaqlar MMU-nun Hərbi İdarəetmə İnstitutunda, Xarici Dil Mərkəzində, Hərb Oyunları Mərkəzində və Heydər Əliyev adına Hərbi İnstitutda olublar. Nümayəndə heyətinə tədris prosesi barədə məlumat verilib, onlar müəssisələrin ərazisi və inzibati binalarında yaradılan şəraitlə tanış olublar.

​Sonda qarşılıqlı hədiyyələr təqdim edilib, xatirə şəkli çəkdirilib.

Oxşar xəbərlər

Tacikistan nümayəndə heyəti Hərbi İnstitutu ziyarət edib - VİDEO

Bakıda Azərbaycan və Qazaxıstan hərbi nümayəndə heyətləri görüşüb

Türkiyə heyəti Azərbaycanda xüsusi təyinatlıların silah və texniki vasitələri ilə tanış olublar

Azərbaycanla Türkiyə HHQ arasında 15-ci Qərargah danışıqları keçirilib

İtaliya nümayəndə heyəti Azərbaycan MMU və HDQ-ni ziyarət edib - FOTO