Azərbaycanın Yunanıstandakı səfiri Arif Məmmədov Korfu şəhər merinin müavini Spiros Halikopoulos görüşüb.

“Sizinxeber.az”un Yunanıstan mətbuatına istinadən verdiyi məlumata görə, görüşdə qarşılıqlı faydalı əlaqələrin inkişafına yönəlmiş strateji əməkdaşlığın əsas istiqamətləri kimi turizm, təhsil və ticarət müzakirə olunub.

Səfir A.Məmmədov vurğulayıb ki, Korfunun zəngin mədəni irsi və təbii gözəlliyi onu təkcə Yunanıstanın deyil, bütün Avropanın ən cəlbedici turizm məkanlarından birinə çevirir.

Halikopoulos, öz növbəsində, səfirə Korfunun turizm təkliflərini təqdim edərək, adanın mehmanxana infrastrukturuna son illərdə qoyulmuş əhəmiyyətli investisiyaları vurğulayıb. Hər iki tərəf turizm sektorunda mövcud əlaqələrin daha da möhkəmləndirilməsi üçün əməkdaşlığın genişləndirilməsinin vacibliyi barədə razılığa gəliblər.

Azərbaycanlı diplomat Korfuya səfəri zamanı İoniya universitetinin nümayəndələri ilə də görüşüb, iki ölkə arasında təhsil və mədəniyyət mübadiləsini təşviq etmək məqsədi daşıyan Əməkdaşlıq Memorandumunun mümkün imzalanması məsələsini müzakirə edib.

Oxşar xəbərlər

Nazir müavini: Yunanıstanla yüksək səviyyəli siyasi dialoqu müsbət qiymətləndiririk

Azərbaycan Özbəkistanla turizm sahəsində əməkdaşlığı genişləndirmək istəyir

Pakistan İnstitutu: Azərbaycan halal turizm sektorunda əhəmiyyətli investisiya imkanlarına malikdir

Səfir Phuket qubernatoru ilə turizm sahəsində əlaqələrin inkişafını müzakirə edib

Kənan Quluzadə: “Turizm Azərbaycanda əsas iqtisadi sektorlardan biri olub”