Mayın 24-25-də Bakıda keçiriləcək kişi və qadınlar arasında 3x3 basketbol üzrə dünya çempionatının seçmə mərhələ oyunlarında azərbaycanlı hakimlər iştirak etməyəcək.

Bu barədə "Report"a Azərbaycan Basketbol Liqasının Hakimlər Komitəsinin sədri Ələkbər Həsənov məlumat verib.

O, daha əvvəl ölkəmizdən iki referinin 3x3 basketbol üzrə lisenziyasının olduğunu bildirib:

"Mənimlə birlikdə Ruslan Xalıqovun lisenziyası var idi. 2015-ci ildə Bakıda keçirilmiş Avropa Oyunları vaxtı bunu almışdıq. Sadəcə, 5-6 il təyinat olmadığı üçün yeni lisenziya üçün müraciət etmədik. Paytaxta gələcək ədalət təmsilçiləri isə yarışın startından bir həftə əvvəl bəlli olacaq".

Qeyd edək ki, qadınlardan ibarət Azərbaycan millisi B qrupunda Kanada və Böyük Britaniya, kişilərdən ibarət kollektiv isə Latviya və Misir ilə üz-üzə gələcək.

Oxşar xəbərlər

3x3 basketbol üzrə Dünya Kubokunun seçmə mərhələ oyunları ilk dəfə Bakıda keçiriləcək

"Quba"nın basketbolçusu mundialın seçmə mərhələsində Azərbaycan millisinin baş məşqçisi olacaq

Azərbaycanın basketbol millisi dünya çempionatının seçmə mərhələsində növbəti oyununu keçirəcək

Azərbaycanın basketbol millisi İsveçrəyə uduzub

Azərbaycanlı hakim FIBA-dan növbəti təyinat alıb