Azərbaycan Basketbol Liqasında ilk finalçı bəlli olub

Azərbaycan Basketbol Liqasında ilk finalçı müəyyənləşib.

"Sizinxeber.az" xəbər verir ki, "Sabah" həlledici raundda iştirak hüququ qazanıb.

Paytaxt təmsilçisi yarımfinal mərhələsinin ikinci oyununda səfərdə "Şəki"ni 96:72 hesabı ilə üstələyib. Bakı klubu ilk görüşdə də qalib gəlmişdi - 86:73.

İkinci yarımfinal qarşılaşmasında "Neftçi" və "Abşeron" komandaları münasibətlərə aydınlıq gətirəcəklər. Oyun saat 19:00-da başlayacaq. İlk matç "ağ-qaralar"ın 97:93 hesablı qələbəsi ilə yekunlaşıb.