"Abşeron"un baş məşqçisi Erhan Toker Azərbaycan Basketbol Liqasının pley-off mərhələsində "Naxçıvan"a qarşı keçirdikləri ikinci oyunu dəyərləndirib.

"Report" xəbər verir ki, türkiyəli mütəxəssis bu barədə klubun mətbuat xidmətinə danışıb.

O, 85:79 hesablı qələbədən məmnun olduqlarını bildirib:

"Bizim üçün çox gözəl bir qələbə oldu. İlk dövrəyə bir qədər pis başladıq. Yaxşı müdafiə oluna bilmədik. Lakin 2-ci dövrədə yaxşı müdafiə olunduq. Bu gün İsmayıl Abdullayev və Ömər Yavaşın komandaya çox faydaları oldu. Təbii ki, digər basketbolçularımızın da əməyini unutmamalıyıq. Qarşıda bu rəqiblə daha bir oyunumuz var. Qələbə qazanaraq yarımfinala adlamaq istəyirik. Rəqibi də gözəl oyuna görə təbrik edirəm. Çox yaxşı komandadır. Fikrimcə, bu komandalar arasında daha bir oxşar görüş izləyə biləcəyik".

Qeyd edək ki, bu gün baş tutan pley-off mərhələsinin ikinci matçında "Abşeron" "Naxçıvan"a qalib gəlib. Əvvəlki qarşılaşmada isə "Naxçıvan" kollektivi (88:83) qələbəyə sevinmişdi. Cütün taleyinə üçüncü qarşılaşmada aydınlıq gələcək.

Oxşar xəbərlər

"Abşeron"un baş məşqçisi NTD-yə qarşı oyunu dəyərləndirib

"Abşeron"un baş məşqçisi: "İlk dövrənin son matçından sonra intensiv və faydalı məşq prosesimiz oldu"

"Abşeron"un baş məşqçisi: "Neftçi" ilə oyuna çox yaxşı hazırlaşmışdıq"

"Abşeron"un baş məşqçisi: "Qarşılaşmada ilk perioda gözlədiyimizdən də pis başladıq"

"Abşeron"un baş məşqçisi: "Qarşılaşmaya gözlədiyimizdən də pis başladıq"