Yarımfinaldakı rəqibimizə ən güclü tərəfimizi göstərməyə çalışacağıq.

"Report" xəbər verir ki, bunu "Neftçi"nin məşqçisi Daviti Çivçivadze "Ordu"ya qarşı Azərbaycan Basketbol Liqasının pley-off matçından sonra klubun mətbuat xidmətinə açıqlamasında deyib.

Mütəxəssis gözəl oyuna şahidlik etdiklərini bildirib:

"Komandamı qələbə münasibəti ilə təbrik edirəm. İlk dəfədir ki, Azərbaycan Basketbol Liqasında yarımfinala yüksəlirik. Bundan əvvəlki oyunda hücum və müdafiədə bəzi səhvlər var idi. Ancaq hazırlıq üçün cəmi iki günümüz olsa da, bu səhvləri düzəltdik. Oyunçularımla fəxr edirəm. Çox böyük iş gördülər. "Ordu" kimi baxımlı basketbol sərgiləyən komandaya qarşı bu nəticə çox gözəl göstəricidir. Yarımfinaldakı rəqibimizə ən güclü tərəfimizi göstərməyə çalışacağıq."

Qeyd edək ki, "Neftçi" "Ordu" ilə baş tutan ilk matçda 93:84, ikinci oyunda isə 88:54 hesablı qələbə qazanaraq yarımfinala yüksəlib.

Oxşar xəbərlər

"Neftçi"nin məşqçisi: "Azərbaycan çempionatının ən güclü komandalarından biri ilə qarşılaşdıq"

"Neftçi"nin məşqçisi: "Müdafiədə və hücumda çox yaxşı performans göstərdik"

"Ordu"nun baş məşqçisi: "Oyunçularım həm müdafiədə, həm də hücumda yaxşı təsir bağışladılar"

"Ordu"nun baş məşqçisi: "Sonuncu period olmasaydı, asanlıqla qələbə qazandığımızı deyə bilərdim"

"Neftçi"nin məşqçisi: "Bu gün hücumda və müdafiədə yaxşı oynadıq"