“Qarabağ” Azərbaycan çempionatlarında 1600-cü qolunu vurub.

"Report" Peşəkar Futbol Liqasının rəsmi saytına istinadən xəbər verir ki, bu, Misli Premyer Liqasının XXX turunun “Səbail”lə matçına təsadüf edib.

Səfərdə 4:1 hesablı qələbə qazanan qonaqların 2-ci topuna imza atan Leandro Andrade yubiley qolunun müəllifi kimi tarixə düşüb.

Ağdam klubu 1600-cü qolunu 955-ci matçında vurub. Ümumilikdə 1602 topdan 913-ü ev, 674-ü səfər, 15-i neytral meydana təsadüf edib.

“Qarabağ” Azərbaycan çempionatlarında 1600 qol vuran ilk komanda olub. Komandanın orta məhsuldarlığı 1,68-ə bərabərdir.

Qeyd edək ki, komandanın tarixində ilk qola Mehman Alışanov imza atıb. O, 1992-ci il mayın 3-də “İnşaatçı” (Sabirabad) ilə ev oyununda (1:2) təkcə “Qarabağ” deyil, yarışın tarixində ilk topun müəllifi olub.

Oxşar xəbərlər

“Qarabağ” Azərbaycan çempionatlarında 900-cü ev qolunu vurub

"Səbail" Azərbaycan çempionatlarında 100-cü səfər qolunu vurub

“Neftçi”nin futbolçusu Azərbaycan çempionatlarında 60-cı qolunu vurub

“Neftçi”nin futbolçusu Azərbaycan çempionatlarında 40-cı qolunu vurub

“Şamaxı” Azərbaycan çempionatlarında 850-ci qolunu vurub