Rusiyalı hokkeyçi NHL rekordunu təkrarlayıb

Milli Hokkey Liqası təmsilçisi (NHL) "Vaşinqton"un rusiyalı oyunçusu Aleksandr Oveçkin Ueyn Qretskinin rekordunu təkrarlayıb.

"Report" çempionatın mətbuat xidmətinə istinadən xəbər verir ki, 39 yaşlı hokkeyçi bunu ötən gün baş tutan "Çikaqo" ilə görüşdə reallaşdırıb.

Qarşılaşmada dubla imza atan hokkeyçi matçın üçüncü dövrəsinin 6:14-cü dəqiqəsində 894-cü qolunu vurub. Bununla da o, Ueyn Qretskinin tarixi rekordunu təkrarlayıb.

Qeyd edək ki, görüş "Vaşinqton" - "Çikaqo" matçı paytaxt komandasının 5:3 hesablı qələbəsi ilə yekunlaşıb. Hokkeyçi aprelin 6-da baş tutacaq “Nyu York Aylenders”lə görüşdə fərqlənəcəyi təqdirdə NHL tarixinin ən çox qol vuran oyunçusu olacaq.