Azərbaycan Voleybol Federasiyası (AVF) növbəti dəfə məşqçi-müəllimlər üçün “1-ci dərəcə” məşqçi kursu təşkil edəcək.

Bu barədə "Report"a AVF-nin mətbuat xidmətindən məlumat verilib.

Naxçıvanda İlham Əliyev adına Olimpiya İdman Kompleksində baş tutacaq kursda qurumun Naxçıvan filialının tərkibinə daxil olan şəhər və rayonlardan məşqçi-müəllimlər iştirak edəcəklər.

Nəzəri və praktik hissələrdən ibarət olacaq dərsləri federasiyanın Təlim və aşağı yaş qruplarının rəhbəri Cengiz Akarçeşme keçəcək. Sonda təşkil olunacaq imtahandan uğurla keçəcək mütəxəssislər AVF-nin “1-ci dərəcə” sertifikatını alacaqlar.

Qeyd edək ki, kurslar iyulun 14-20-si aralığında təşkil olunacaq. 2024-cü ildə Qəbələdə (9-12 avqust), Sumqayıtda (21-26 sentyabr) və Bakıda (7-22 dekabr) “1-ci dərəcə” məşqçi kursları keçirilib. AVF tərəfindən digər bölgələrdə də kurslar təşkil olunacaq. “1-ci dərəcə” sertifikatı almış məşqçi-müəllimlər yerli çempionatlarda məşqçilik edə biləcəklər.

Oxşar xəbərlər

Azərbaycan Voleybol Federasiyası növbəti dəfə məşqçi kursu təşkil edəcək

AVF-nin məşqçi-müəllimlər üçün təşkil etdiyi növbəti kurs başa çatıb

AVF-nin Bakıda məşqçi-müəllimlər üçün təşkil etdiyi növbəti kurs başa çatıb

AVF rəsmisi Bakıda məşqçi-müəllimlər üçün təşkil edilən kursu dəyərləndirib

Azərbaycanda voleybol məşqçiləri üçün seminarlar təşkil olunacaq