Minifutbol üzrə Türkiyə millisinin baş məşqçisi Durul Tuğ Bakıda keçirilən dünya çempionatı ilə bağlı fikirlərini bölüşüb.

Mütəxəssis bu barədə "Sizinxeber.az"a açıqlama verib.

O, Macarıstanla heç-heçə (1:1) etdikləri C qrupunun ilk oyunu ilə bağlı fikirlərini bölüşüb:

"Türkiyə yığması bu dəfə yarışa fərqli heyətlə gəlib. Artıq bu yarışlara daha ciddi yanaşırıq. Yaxşı işlər görmək istəyirik. Bunu ilk qarşılaşmada gördük. Macarıstan çox yaxşı rəqibdir. Bu bərabərlik önəmli idi. Türkiyə minifutbolu üçün dəyərli heç-heçədir".

Baş məşqçi Bakıdakı təşkilatçılıq barədə danışıb:

"Burada möhtəşəm təşkilatçılıq var, hər şey yüksək səviyyədədir. Bir çox turnirlərdə iştirak etmişik. Sizin ölkənizdəki tamam fərqlidir. Azərbaycan xalqından daha çox dəstək istəyirik. Oteldə, küçədə və başqa yerlərdə özümüzü Türkiyədəki kimi hiss edirik. Bunun üçün təşəkkür edirəm. Amma tribunalarda da bunu görmək istəyirəm. Dəstəyiniz bizim üçün önəmlidir".

O, turnirdəki hədəflərindən də söz açıb:

"İndiyədək dünya çempionatında qrupdan çıxa bilməmişik. Addım-addım irəli getmək niyyətindəyik. İlk olaraq qrupdan çıxmağı hədəfləmişik".

Oxşar xəbərlər

Azərbaycan minifutbol millisinin baş məşqçisi: "Bakıdakı mundialda daha güclü və qalib komanda görəcəksiniz"

Azərbaycan millisinin baş məşqçisi: "Dünya çempionatının Bakıda keçirilməsi böyük idman hadisəsidir"

Milli Gimnastika Arenasında minifutbol üzrə dünya çempionatının daha bir oyunu keçirilib

Azərbaycan millisinin baş məşqçisi: "Dünya çempionatı futbolçular üçün böyük təcrübə oldu"

Millinin baş məşqçisi: Azərbaycanı dünya çempionatında layiqincə təmsil etməyə çalışacağıq