AFFA "Neftçi" və "Kəpəz"i azarkeşlərinə görə cəzalandırıb.

"Sizinxeber.az" xəbər verir ki, bu barədə qurumun İntizam Komitəsinin iclasında qərar qəbul olunub.

12.04.2025-ci il tarixində Misli Premyer Liqasında XXX turun “Sumqayıt” – “Şamaxı” oyununda “Şamaxı” klubunun fotoqrafı zonalar üzrə qaydanı pozduğuna görə “Sumqayıt” komandası 500 manat cərimə edilsin (maddə 96);

13.04.2025-ci il tarixində Misli Premyer Liqasında XXX turun “Kəpəz” – “Araz-Naxçıvan” oyununda “Kəpəz” klubunun azarkeşləri tərəfindən hakimlərin ünvanına kütləvi şəkildə təhqiramiz ifadələrin səsləndirildiyinə və bu hal cari mövsümdə 2-ci dəfə təkrarlandığına görə “Kəpəz” klubu 500 manat cərimə edilsin (maddə 43.7);

13.04.2025-ci il tarixində Misli Premyer Liqasında XXX turun “Neftçi” – “Zirə” oyununda “Neftçi” komandasında 4 nəfər sarı vərəqə aldığı üçün “Neftçi” komandası 700 manat cərimə edilsin (maddə 37);

13.04.2025-ci il tarixində Misli Premyer Liqasında XXX turun “Neftçi” – “Zirə” oyununda “Neftçi” klubunun azarkeşləri tərəfindən rəqib futbolçuya irqi mənsubiyyətinə görə təhqiramiz səslər çıxarıldığına görə “Neftçi” klubu 2000 manat cərimə edilsin (maddə 48.3);

Oxşar xəbərlər

AFFA dörd klubu cərimələyib

AFFA “Kəpəz”in futbolçusunu 1 oyunluq cəzalandırıb

"Neftçi", "Araz-Naxçıvan" və "Kəpəz" cərimələnib

Azarkeşlərinə görə “Zirə” klubuna xəbərdarlıq edilib

“Sabah”ın futbolçusu bir oyunluq cəzalandırılıb