İspaniyanın "Real" klubunun yarımmüdafiəçisi Luka Modriç UEFA Çempionlar Liqasında (ÇL) Madrid təmsilçisinin heyətində ən çox oyun keçirən futbolçuların siyahısında ilk "üçlüy"ə yüksəlib.

"Report" xarici KİV-ə istinadən xəbər verir ki, bu, nüfuzlu turnirin 1/8 finalında "Atletiko" ilə cavab matçında reallaşıb.

Xorvatiyalı oyunçu "Real"ın heyətində 132-ci matçını keçirib. 39 yaşlı yarımmüdafiəçi bu göstəricidə əfsanəvi sabiq hücumçu Raul Qonsalesə çatıb. Ən çox oyun keçirənlərin siyahısında İker Kasilyas (152) birinci, Kərim Benzema (133) ikinci pillədə qərarlaşıb.

Qeyd edək ki, ÇL-in 1/8 final mərhələsinin "Atletiko" və "Real" arasında keçirilən cavab matçında Karlo Ançelottinin rəhbərlik etdiyi komanda penaltilər seriyasında qələbə qazanaraq (4:2) 1/4 finala yüksəlib. L.Modriç matçın 65-ci dəqiqəsində əvəzlənib. "Real" 1/4 finalda İngiltərənin “Arsenal” komandası ilə üz-üzə gələcək.

Oxşar xəbərlər

Modriç "Real" tarixində ən çox titul əldə edən futbolçu olub

Luka Modriç Madrid derbilərində iştirak sayına görə rekordçu olub

Luka Modriç daha bir mövsüm "Real"da qalmaq istəyir

Modriç "Real"ın heyətində ən çox mükafat qazanan futbolçu kimi tarixə düşüb

"Real" komandası yeni rekord müəyyənləşdirib