Misli Premyer Liqasının XXIII turunda "Kəpəz" "Şamaxı" ilə heç-heçəyə razılaşıb.

“Report” xəbər verir ki, Tovuz şəhər stadionunda baş tutan matçda tərəflər hərəyə 1 dəfə fərqləniblər.

Hesabı 49-cu dəqiqədə qonaq komandanın heyətində penalti zərbəsindən Brahim Konate açıb. 5 dəqiqə sonra qarşılaşmanın yekun nəticəsini müəyyənləşdirən qol vurulub. Rüfət Abbasovun avtoqolu gəncəlilərə 1 xal qazandırıb.

"Kəpəz" 19 xalla 9-cu yerdə qərarlaşıb. Bir pillə yuxarıda olan “Şamaxı”nın 21 xalı var.

Turun son matçı “ASCO Arena”da “Səbail”lə “Sabah” arasında baş tutacaq. Saat 19:00-da start götürəcək görüşü Rəşad Əhmədov idarə edəcək.

Qeyd edək ki, turun daha əvvəl keçirilən görüşlərində “Turan Tovuz” “Araz Naxçıvan”ı, “Qarabağ” “Neftçi”ni 1:0 hesabı ilə üstələyib. “Sumqayıt” isə evdə “Zirə”yə məğlub olub - 0:3.

Oxşar xəbərlər

Premyer Liqada XXIII tura iki oyunla yekun vurulacaq

Premyer Liqa: "Araz-Naxçıvan" "Kəpəz"lə heç-heçəyə razılaşıb

Premyer Liqada tura "Turan Tovuz" - "Şamaxı" oyunu ilə yekun vurulub

Azərbaycan Premyer Liqasında II tura yekun vurulub 

Premyer Liqanın XIX turunda "Kəpəz" "Turan Tovuz"u məğlub edib