İspaniyanın "Barselona" klubu tarixində 100-cü kubokunu qazanıb.

"Report" xarici KİV-ə istinadən xəbər verir ki, bu, ötən gün İspaniya Superkubokunun finalında "Real"a qarşı oyunda gerçəkləşib.

Səudiyyə Ərəbistanının Ciddə şəhərində baş tutan görüşdə 5:2 hesablı qləbə qazanan "Barselona" Kataloniyada keçirilən turnirlər nəzərə alınmadan tarixində 100-cü kubok qələbəsinə imza atıb.

İspaniya çempionatının 27 qat qalibi olan komanda ölkə kubokunı 31, Superkuboku 15, Eva Duarte Kubokunu 3, İspaniya Liqa Kubokunu 2 dəfə başı üzərinə qaldırıb. Bundan əlavə, Kataloniya təmsilçisi UEFA Çempionlar Liqasını 5, Kubok Kubokunu 4, Avropa Superkubokunu 5, Yarmarkalar Kubokunu 3, klublararası dünya çempionatını 3, Latin Kubokunu 2 dəfə qazanıb.

"Barselona"nın Kataloniya regional turnirlərində 33 qələbəsi var.

Qeyd edək ki, komanda hazırda La Liqanın turnir cədvəlində 38 xalla üçüncü pillədə qərarlaşıb.

Oxşar xəbərlər

"Atletik Bilbao" 40 ildən sonra yenidən İspaniya kubokunu qazanıb

Klaudio Bravo 41 yaşında karyerasını başa vurub

"Barselona" "Real Madrid"lə matçda tarixi rekorda imza atıb

"Barselona" "Real Madrid"lə matçda rekorda imza atıb

Bir təqvim ilində 5 və daha çox kubok qazanan klublar - SİYAHI