İtaliya A Seriyasının 5-ci turunda "İnter" və "Milan" arasında oyun baş tutub.

“Sizinxeber.az” xəbər verir ki, komandalar İtaliyanın Milan şəhərində “San Siro” (Cüzeppe Meazza) stadionunda qarşılaşıblar.

Görüşü Mauritsio Marianinin (Roma) başçılıq etdiyi hakim briqadası idarə edib. "Milan" 2:1 hesabı ilə qələbə qazanıb. Beləliklə, "Milan" yeddi matçdan sonra ilk dəfə "İnter"i yenib.

Belə ki, 10-cu dəqiqədə "Milan"ın hücumçusu Kristian Pulişiç fərqlənib. 28-ci dəqiqədə "İnter"in müdafiəçisi Federico Dimarko Lautaro Martinesin ötürməsindən sonra hesabı bərabərləşdirib. 89-cu dəqiqədə "Milan"ın müdafiəçisi Matteo Qabbia Teyani Reyndersin ötürməsindən sonra topu tora göndərib.

Bu qələbədən sonra "Milan" səkkiz xal toplayaraq A Seriyasının turnir cədvəlində altıncı yerdə qərarlaşıb. "İnter"in də aktivində səkkiz xal var və yeddinci yerdədir.

Oxşar xəbərlər

"Milan" baş məşqçisi ilə yollarını ayıra bilər

"İnter" kapitanı ilə müqavilə müddətini artırıb

"İnter" Albaniya millisinin üzvü ilə müqavilə müddətini artırıb

İlham Əliyev Milan şəhərinə gəlib