İtaliyanın "Milan" klubu baş məşqçisi Paulu Fonseka ilə yollarını ayıra bilər.

"Report" xəbər verir ki, bu barədə məşhur jurnalist Nikolo Skira məlumat yayıb.

Onun sözlərinə görə, rəhbərliyin bəzi üzvləri Çempionlar Liqasının I turunda "Liverpul"a məğlubiyyətdən (1:3) sonra 51 yaşlı mütəxəssisin istefaya göndərilməsini istəyirlər.

Hətta onun sentyabrın 22-də A Seriyasında "İnter"lə matçdan sonra da qovula biləcəyi vurğulanıb.

Qeyd edək ki, P.Fonseka iyuldan Milan təmsilçisində işləyir. Komanda onun rəhbərliyi altında çıxdığı beş matçın 2-də məğlub olub, eyni sayda heç-heçə edib, bir görüşdə isə qələbə qazanıb.

Oxşar xəbərlər

Portuqaliya klubu I turdan sonra baş məşqçisi ilə yollarını ayırıb

"Ludoqorets"in baş məşqçisi "Qarabağ"la oyundan sonra istefaya göndərilib