"Qarabağ" klubunun akademiyasının meneceri Nail Kərimov və koordinatoru Aftandil Hacıyev "Dinamo" (Xorvatiya) ilə oyundan öncə Zaqrebdə meydan sahibi klubdan olan həmkarları ilə görüşlər keçiriblər.

Ağdam təmsilçisinin mətbuat xidmətindən "Report"a verilən məlumata görə, "Dinamo" akademiyasının direktoru İvo Miliç, U-15 və U-19 komandalarının koordinatoru Mariyan Çayiç, fiziki hazırlıq üzrə departamentin rəhbəri Frano Leko və məlumat bazasının idarəçisi Antonio Şişiçin iştirakı ilə keçirilən görüşdə akademiyaların strukturu, fəlsəfəsi, oyun tərzi, prinsipləri haqqında müzakirələr aparılıb.

Zaqreb "Dinamo"sunun son illərdə yetişdirdiyi futbolçuların keçdiyi yol, klubun həmin futbolçulara verdiyi dəstək, çatışmayan cəhətlərinin inkişafı və sair barədə məlumat verən İvo Miliç daha sonra "köhlən atlar"ın nümayəndələrinə akademiyanın meydanları, inzibati binaları, istifadə edilən məlumat bazası, videotəhlil və başqa proqramlarla bağlı ətraflı məlumat verib.

Frano Leko ötən mövsümdən etibarən fiziki hazırlığa ciddi önəm verdiklərini və nəticəsini qısa müddətdə gördüklərini bildirib.

Sonda "Qarabağ" U-19 komandasının "Dinamo"nun təşkil etdiyi beynəlxalq turnirdə mümkün iştirakı müzakirə olunub.

Oxşar xəbərlər

"Qarabağ"ın prezidenti Azərbaycanın Xorvatiyadakı səfiri ilə görüşüb [xfgiven_updateblue][/xfgiven_updateblue]

Azərbaycanın Xorvatiyadakı səfirinin "Dinamo" - "Qarabağ" matçında iştirakı gözlənilir [xfgiven_updateblue][/xfgiven_updateblue]

"Qarabağ"ın iki aparıcı futbolçusu "Dinamo" ilə matçları buraxacaq [xfgiven_updateblue][/xfgiven_updateblue]

Anar Hacıyevə "Qarabağ"da yüksək vəzifə verildi [xfgiven_updateblue][/xfgiven_updateblue]

"Qarabağ" - "Dinamo" oyununun başlama saatı dəqiqləşib [xfgiven_updateblue][/xfgiven_updateblue]