Mütləq Döyüş Çempionatının (UFC) super yüngül çəki dərəcəsində çempionu, gürcü idmançı Merab Dvalişvili və keçmiş yarımorta çəki çempionu, amerikalı Belal Muhammad UFC-nin Bakı turnirinin ulduz qonaqları olacaqlar.

Bu barədə "Report"a Bakı Şəhər Halqası Əməliyyat Şirkətinin mətbuat xidmətindən məlumat verilib.

Gecənin əsas qarşılaşması keçmiş UFC yarım ağır çəki çempionu Camal Hill ilə keçmiş titul iddiaçısı Xalil Rauntri arasında baş tutacaq. Həmin gecənin ikinci ən vacib döyüşü isə azərbaycanlı Rafael Fiziev ilə Çili təmsilçisi İqnacio Baxamondes arasında yüngül çəkidə keçiriləcək.

Turnirdə Azərbaycan təmsilçiləri Nazim Sadıxov və Tofiq Musayev də oktaqona çıxacaqlar. Onların rəqibləri isə müvafiq olaraq braziliyalı Nikolas Motta və qırğızıstanlı Mıqtıbek Orolbay olacaq.

Qeyd edək ki, turnir iyunun 21-də Baku Crystal Hall-da baş tutacaq.

Oxşar xəbərlər

UFC-nin məşhur ulduzları Bakıya gələcək

Rafael Fiziyev Nazim Sadıxovun Bakıda keçiriləcək UFC turnirində qələbə qazanacağına inanır

Azərbaycanın MMA döyüşçüsü: "Titul yarışından qopmamaq üçün Bakıda mütləq qələbə qazanmalıyam"

UFC ilk dəfə Azərbaycanda keçiriləcək