Azərbaycan Şahmat Federasiyası (AŞF) ilk dəfə bütün ölkəni əhatə edəcək “Azərbaycan Şahmat Turu” (“Chess Tour Azerbaijan”) layihəsini həyata keçirəcək.

Bu barədə "Sizinxeber.az"a AŞF-nin mətbuat xidmətindən məlumat verilib.

2025-ci ildə ilk dəfə reallaşacaq “Azərbaycan Şahmat Turu”nda ölkədə 8 beynəlxalq açıq turnir təşkil olunacaq. Bütün yarışlar beynəlxalq xarakter daşıyacaq və ölkə üzrə şahmatçıların təcrübəsini artırmağa imkan verəcək.

Şahmat turu Bakıdan başlayacaq. Aprelin 28-dən etibarən paytaxtda “Baku Open” beynəlxalq şahmat festivalına start veriləcək. İyunun 18-25-i aralığında “Sheki Open”, 26 iyun-3 iyulda “Shamakhı Open”, 6-13 iyulda “Lankaran Open”, 15-22 iyulda “Guba Open”, 11-18 noyabrda “Ganca Open”, 19-26 noyabrda isə “Shirvan Open” keçiriləcək.

“Azərbaycan Şahmat Turu” çərçivəsində həm də “Vüqar Həşimov Open” turniri baş tutacaq.

Qeyd edək ki, bütün turnirlərdə yerli şahmatçılarla yanaşı, xarici iştirakçıların, o cümlədən beynəlxalq qrossmeysterlərin iştirakı planlaşdırılır.

Oxşar xəbərlər

Güləş Federasiyası Eldəniz Əzizlinin “Zaqreb Open”ə qatılmamasına aydınlıq gətirib

Fərid Qayıbov: "Azərbaycanda hər il beynəlxalq şahmat yarışları keçirilsə, yaxşı olar"

Azərbaycan ağırlıqqaldıranı “Uzbekistan Open” turnirinin qalibi olub

Azərbaycan şahmatçısı Serbiya Open-2024-də çempion olub

“Zaqreb Open”: Azərbaycan millisinin 3 güləşçisi medal qazana bilməyib