Azərbaycan millisi Bolqarıstanın paytaxtı Sofiyada keçiriləcək 22 yaşadək (U-22) boksçular arasında Avropa çempionatında qüvvəsini sınayacaq.

"Sizinxeber.az"un Boks Federasiyasının mətbuat xidmətinə istinadən məlumatına görə, məşqçilər korpusu yarışda 13 idmançıya şans verəcək.

Mükafatlar uğrunda Tural Sarıyev (48 kq), Nicat Hüseynov (51 kq), Amin Məmmədzadə (54 kq), Kamil Babayev (57 kq), Ruslan Qədirov (63,5 kq), İlqar Salahov (67 kq), Şəmsi Şahbazov (71 kq), Fərhad Şeydayev (75 kq), Murad Allahverdiyev (80 kq), Seyid Seyidov (86 kq), Mehparə Məmmədov (48 kq), Marjona Savriyeva (50 kq) və Zeynəb Rəhimova (54 kq) mübarizə aparacaq.

Avropa çempionatında ədalət təmsilçiləri sırasında beynəlxalq dərəcəli hakim Anar Nağdiyev də yer alacaq.

Qeyd edək ki, oktyabrın 12-də startı veriləcək turnir 9 gün davam edəcək.

Oxşar xəbərlər

Azərbaycan parataekvondoçuları Avropa çempionatında iştirak edəcək

Azərbaycan boksçusu Avropa çempionatında bürünc medal qazanıb

Azərbaycan millisi Avropa çempionatında mübarizəyə başlayır

Azərbaycan millisi Avropa çempionatında ilk matçına çıxacaq

Azərbaycan millisi Avropa çempionatında bu gün Gürcüstanla qarşılaşacaq