“Azərbaycan Gimnastika Federasiyasının prezidenti Mehriban Əliyevanın sosial mediada paylaşımı bizi çox məmnun etdi. Çox xoşbəxtik ki, Mehriban Əliyeva bizi həmişə dəstəkləyir. Onun dəstəyi isə bizim üçün çox dəyərlidir”.

“Report” xəbər verir ki, bu sözləri “Paris-2024” Yay Olimpiya Oyunlarından Vətənə qayıdan Azərbaycanın bədii gimnastika üzrə qrup hərəkətləri komandasının üzvü Güllü Ağalarzadə deyib.

O bildirib ki, insanların dəstəyi gimnastlara daha çox motivasiya verirdi: “Azərbaycan kimi ölkəni təmsil etmək asan iş deyil. Çox fəxr edirik ki, ölkəmizi Fransanın paytaxtı Parisdə keçirilən XXXIII Yay Olimpiya Oyunlarında layiqincə təmsil etdik”.

Onun sözlərinə görə, əsas məqsəd kompozisiyaları yüksək səviyyədə yerinə yetirməkdir: “Fikrimcə mövcud komandanın üzvləri məşqləri yaxşı etsə, növbəti Yay Olimpiya Oyunlarında Azərbaycana tarixi medal gətirə bilərik”.

Oxşar xəbərlər

Zeynəb Hümmətova: Bütün Azərbaycanın dəstəyini hiss edirdik

Paris-2024: Azərbaycanın bədii gimnastika üzrə qrup hərəkətləri komandası mübarizəyə başlayıb

Paris-2024: Bağlanış mərasimində Azərbaycan bayrağını daşıyacaq idmançılar müəyyənləşib

Paris-2024: Azərbaycanın bədii gimnastika üzrə qrup hərəkətləri komandası mübarizəyə başlayıb - YENİLƏNİB 2

Paris-2024: Bu gün Azərbaycanın iki güləşçisi və bədii gimnastika üzrə qrup hərəkətləri komandası mübarizəyə başlayacaq