Salyanda fermada yanğında xeyli mal-qara tələf olub, 7 min ot bağlaması yanıb - FOTO

Salyanda fermada yanğın olub.

Sizinxeber.az-nın Mil-Muğan bürosunun məlimatına görə, hadisə rayonun Qardili kəndində baş verib. Kənd sakini Eyyub Şikarova məxsus fermada ot tayası yanıb. Küləkli hava yanğının güclənməsinə səbəb olub. Nəticədə 45 baş iribuynuzlu heyvan, 7 min ədəd ot bağlaması yanıb.

Hadisə yerinə FHN-nin Salyan Yanğından Mühafizə Hissəsinin yanğınsöndürənləri cəlb edilib. Yanğın lokallaşdırılıb.

Faktla bağlı araşdırma aparılır.