Gəncədə qohumlar arasında mübahisədə beş nəfər yaralanıb.

“Report”un Qərb bürosunun məlumatına görə, hadisə şəhərin Məhsəti qəsəbəsində qeydə alınıb.

Mübahisə zəminində 1980-ci il təvəllüdlü Əli Alışanov bıçaqlanıb, daha sonra isə balta ilə xəsarət alıb.

Onun həyat yoldaşı Aynur Alışanova və 25 yaşlı oğlu Alim Alışanov isə döyülərək müxtəlif dərəcəli bədən xəsarətləri alıblar.

İlkin məlumata görə, onlar qudaları ilə aralarında yaranmış mübahisə zəminində xəsarət alıblar.

Xəstəxanaya yerləşdirilmiş Ə.Alışanovun vəziyyəti ağır qiymətləndirilir.

Bundan başqa, mübahisə zamanı qarşı tərəfdən 1966-cı il təvəllüdlü Zakir Sadıqov və onun oğlu 1999-cu il təvəllüdlü Elşən Sadıqov da xəsarət alıblar.

Faktla bağlı araşdırma aparılır.

Oxşar xəbərlər

Gəncədə 23 yaşlı kişi bıçaqlanıb, şübhəli şəxs saxlanılıb

Gəncədə iki nəfər mübahisə zəminində bıçaqlanıb

Göygöldə iki nəfər mübahisə zəminində bıçaqlanıb

Gəncədə qudaların davası ağır xəsarətlərlə nəticələnib