Gəncənin Məhsəti qəsəbəsində qudalar arasında ailə münaqişəsi zəminində baş verən kütləvi dava zamanı bir neçə nəfər xəsarət alıb.

Sizinxeber.az-nın yerli bürosunun məlumatına görə, hadisə nəticəsində Kəlbəcər rayon sakinləri – 1980-ci il təvəllüdlü Ə.Əlişanov bıçaq xəsarəti, onun həyat yoldaşı A.Əlişanova və 2005-ci il təvəllüdlü övladı A.Əlişanov isə müxtəlif dərəcəli bədən xəsarətləri və kəllə-beyin travması ilə xəstəxanaya yerləşdiriliblər.

Məlumata əsasən, ana və övlad balta xəsarətləri alıblar. Ə.Əlişanovun vəziyyətinin ağır, həyat yoldaşı və övladının isə stabil olduğu bildirilib. Davada qarşı tərəfdən də 2 nəfərin xəsarət aldığı və onların da başqa tibb müəssisəsinə yerləşdirildiyi qeyd olunur.

İlkin ehtimala görə, mübahisə ailədaxili narazılıq zəminində yaranıb. Faktla bağlı hüquq-mühafizə orqanları tərəfindən araşdırma aparılır.

Oxşar xəbərlər

Gəncədə ailə münaqişəsi bıçaqlanma ilə nəticələnib

Qaxda qəza zamanı bir nəfər ağır xəsarət alıb

Samuxda ağır qəza, 1-i azyaşlı olmaqla 4 nəfər xəsarət alıb

Yevlaxda avtomobil aşıb, 4 nəfər xəsarət alıb - FOTO

Şəmkirdə baş verən davada ölən və xəsarət alanların kimliyi məlum olub - YENİLƏNİB-2