Martın 12-də saat 17:00 radələrində Beyləqan rayonunda baş verən yol-nəqliyyat hadisəsi səbəbilə 6 nəfər (kişi cinsli) Beyləqan Rayon Mərkəzi Xəstəxanasına hospitalizasiya olunub.

Bu barədə APA-ya TƏBİB-dən bildirilib.

Məlumata görə, onlara bədənin müxtəlif nayihələrinin çoxsaylı travmaları diaqnozu təyin edilib.

2003-cü il təvəllüdlü şəxslərə zəruri tibbi xidmət göstərildikdən sonra ambulator müalicə üçün evə buraxılıblar. Digər 4 nəfər isə Füzuli Rayon Mərkəzi Xəstəxanasına təxliyə ediliblər.

Füzuli Rayon Mərkəzi Xəstəxanasına təxliyə edilən şəxslərin vəziyyəti stabil olaraq qiymətləndirilir.

Fəridə

***

09.46

Beyləqanda baş verən qəzada altı nəfər xəsarət alıb.

APA-nın yerli müxbirinin əldə etdiyi xəbərə görə, qəza ötən gün rayonun Daşburun qəsəbəsi ərazisində qeydə alınıb.

Hərəkətdə olan "Mercedes" markalı avtomobil qarşıdan gələn "VAZ" 21015 markalı avtomobillə toqquşub. Hadisə nəticəsində altı nəfər müxtəlif dərəcəli bədən xəsarətləri alıb.

Yaralılar Beyləqan Mərkəzi Rayon Xəstəxanasına çatdırılıb. Onlardan dörd nəfərinin Füzuli rayon sakini, iki nəfəri isə Beyləqan rayon sakini olduğu deyilir.

Faktla bağlı araşdırma aparılır.

Oxşar xəbərlər

Beyləqanda yol qəzasında xəsarət alanların son durumu açıqlanıb - YENİLƏNİB

Beyləqanda yol qəzasında altı nəfər xəsarət alıb

Tərtərdə iki avtomobil toqquşub, ölən və xəsarət alanlar var - YENİLƏNİB

Beyləqanda yol qəzası olub, altı nəfər xəsarət alıb

Ağcabədidə ağır qəza nəticəsində ölən və yaralananların kimliyi məlum olub - FOTO - VİDEO - YENİLƏNİB-1