Media nümayəndələri “Elektron məhkəmə” sistemində tətbiq edilən məhdudiyyətlə bağlı Məhkəmə Hüquq Şurasının və Ali Məhkəmənin sədri İnam Kərimova müraciət ediblər.

"Report" xəbər verir ki, məhkəmələrin fəaliyyətini işıqlandıran jurnalistlər məhdudiyyətin tətbiqini sistemdən istifadədə çətinlik yaratdığını vurğulayaraq, bunu şəffaflığın pozulması kimi qeyd ediblər.

Bildirilib ki, məlumatların qapalı olmasına görə, məhkəmə işlərinin araşdırılması, ictimaiyyətə məlumat çatdırılması istiqamətində ciddi maneə yaranıb.

Müraciətdə o da vurğulanıb ki, “e-məhkəmə” sistemi məhkəmə proseslərinin şəffaf və əlçatan olması üçün yaradılıb, lakin qoyulan məhdudiyyət ictimai maraq kəsb edən işlərə dair məlumatların əldə edilməsinə əngəldir.

Jurnalistlər İnam Kərimovun problemin həllində yardımçı olacağına ümid etdiklərini bildiriblər.

Qeyd edək ki, “Elektron məhkəmə” informasiya sistemi ilə bağlı yeni məhdudiyyətlər tətbiq edilib. Xeyli müddətdir ki, sistemdə məhkəmə işləri üzrə tərəflərin adları əks olunmur.

Oxşar xəbərlər

Jurnalistlər “Elektron məhkəmə” sisteminə qoyulan məhdudiyyətlə bağlı İnam Kərimova müraciət ediblər

Məhkəmə-Hüquq Şurasının iclası keçirilib

İnam Kərimov: Azərbaycanda qanunvericilik bazası əsaslı şəkildə yenilənir

Hakimlərin Qiymətləndirməsi Komitəsi və Məhkəmə-Hüquq Şurasının Apellyasiya Şurasının tərkibi formalaşıb

Nazir müavini: Mediasiyanın rəqəmsallaşması vaxt itkisinin qarşısını alacaq