İmişli rayonunda dəm qazından zəhərlənənin şəxsin kimliyi məlum olub. 

"Report"un Muğan bürosunun məlumatına görə, TƏBİB onun səhhəti ilə bağlı açıqlama verib. 

1989-cu il təvəllüdlü şəxs (kişi cinsli) bu gün saat 21:30 radələrində dəm qazından zəhərlənmə şübhəsilə İmişli Rayon Mərkəzi Xəstəxanasının Təcili və təxirəsalınmaz tibbi yardım şöbəsinə hospitalizasiya olunub.

Ona qazdan zəhərlənmə diaqnozu təyin edilib. Hazırda yaralının müalicəsi müvafiq şöbədə davam etdirilir. Vəziyyəti ağır qiymətləndirilir.

Qeyd edək ki, yaralı ailə başçısı Vaqif Azadovdur.

Ölən şəxslərin kimliyi dəqiqləşdirilir.

İmişli rayonunda bədbəxt hadisə baş verib.

"Report"un Muğan bürosunun məlumatına görə, hadisə rayonun Bəhrəmtəpə qəsəbəsində qeydə alınıb.

İlkin məlumata görə, bir ailənin üç üzvü yaşadıqları evdə dəm qazından boğularaq ölüb, bir nəfər isə ağır vəziyyətdə xəstəxanaya yerləşdirilib.

Hazırda onların şəxsiyyəti dəqiqləşdirilir.

Faktla bağlı araşdırma aparılır.

Oxşar xəbərlər

İmişlidə üç nəfər dəm qazından boğularaq ölüb, bir nəfər xəstəxanaya yerləşdirilib

Sumqayıtda üç nəfər dəm qazından zəhərlənib, onlardan biri ölüb - YENİLƏNİB

İmişlidə bir ailənin 3 üzvü dəm qazından boğularaq ölüb, daha ikisi xəstəxanaya yerləşdirilib

TƏBİB: İmişlidə yanğın nəticəsində ölən və xəsarət alan var - YENİLƏNİB

Lənkəranda dəm qazından zəhərlənən 47 yaşlı kişinin vəziyyəti məlum olub - YENİLƏNİB