18.01.2025-ci il tarixində saat 14:00 radələrində Sumqayıt Tibb Mərkəzinin Təcili Tibbi Yardım Xəstəxanasına 1992-ci il təvəllüdlü 1 nəfər (kişi cinsli), Uşaq Xəstəxanasına isə 2018 və 2019-cu il təvəllüdlü 2 nəfər (kişi cinsli) hospitalizasiya olunub.

Bunu APA-nın sorğusuna cavab olaraq TƏBİB-dən bildiriblər.

Sağ qasıq oturaq sümüyünün sınığı diaqnozu təyin edilən 1992-ci il təvəllüdlü şəxs tibb müəssisəsinin Reanimasiya şöbəsinə yerləşdirilib. Hazırda müalicəsi davam etdirilir, vəziyyəti orta ağırdır.

Müxtəlif xəsarət alan uşaqlar isə Uşaq Xəstəxanasının Təcili tibbi yardım şöbəsinə yerləşdirilib. Müalicələri davam etdirilir, vəziyyətləri stabildir.

***

20:28

Abşeronda yol-nəqliyyat hadisəsi baş verib, ikisi azyaşlı olmaqla 3 nəfər xəsarət alıb.

APA xəbər verir ki, hadisə Saray qəsəbəsində qeydə alınıb.

Belə ki, yolu keçmək istəyən 33 yaşlı atanı və onun 6 və 7 yaşlı oğlanlarını avtomobil vurub.

Qəza zamanı hər 3 şəxs ağır xəsarət alıb.

Yaralılar dərhal Sumqayıt şəhər Təcili Tibbi Yardım Xəstəxanasına çatdırılıb.

Faktla bağlı araşdırma aparılır.

Oxşar xəbərlər

Sumqayıtda və Novxanıdakı partlayışda xəsarət alanların vəziyyəti açıqlanıb

Sumqayıtda ağır yol-nəqliyyat hadisəsi nəticəsində bir nəfər xəsarət alıb

Lənkəranda baş verən qəzada 3 nəfər xəsarət alıb - FOTO

Qubada mikroavtobusla avtomobil toqquşub, 1 nəfər ölüb, xəsarət alan 14 nəfərdən 8-nin vəziyyəti ağırdır - YENİLƏNİB 2