AzAL-ın Bakı-Qroznı reysini yerinə yetirən təyyarəsinin Aktauda qəzaya uğraması nəticəsində 38 nəfər həlak olub.

Sizinxeber.az xəbər verir ki, bu barədə Qazaxıstanın baş nazirinin müavini, qəzanı araşdıran komissiyanın rəhbəri Kanat Bozumbayevin iştirakı ilə Aktauda keçirilən mətbuat konfransında məlumat verilib.

Bildirilib ki, təyyarədə 5 ekipaj üzvü və 62 sərnişin olmaqla, ümumilikdə 67 nəfər olub. Qəza nəticəsində 38 nəfər həyatını itirib, 29 nəfər sağ qalıb. Sağ qalanlar müxtəlif bədən xəsarətləri ilə xəstəxanalara yerləşdirilib. Yaralılar arasında vəziyyəti ağır olanlar var.

Mətbuat konfransında qeyd olunub ki, təyyarənin sərnişinlərindən 37-si Azərbaycan (23-ü həlak olub), 16-sı Rusiya (7-si həlak olub), 6-sı Qazaxıstan (hamısı həlak olub), 3-ü Qırğızıstan vətəndaşı (hamısı sağ qalıb) olub.

O da bildirilib ki, 5 ekipaj üzvündən 2-si həlak olub, 3-ü sağ qalıb.

Oxşar xəbərlər

AZAL təyyarəsinin Aktauda qəzaya uğraması nəticəsində 12 nəfər sağ qalıb - YENİLƏNİB

Vladanka Andreyeva Azərbaycana başsağlığı verib

Qazaxıstan FHN AZAL təyyarəsinin qəzası ilə bağlı qaynar xətt açıb

Qazaxıstandakı təyyarə qəzasından sonra 14 Azərbaycan vətəndaşı sağ qalıb

AZAL-ın Qəzaya uğrayan təyyarəsində 7 Rusiya vətəndaşı həlak olub