"Azərbaycan Beynəlxalq Bank"ından mənimsəmə etməkdə təqsirləndirilən sabiq şöbə müdiri Natiq Nüsrətzadənin cinayət işi üzrə yekun məhkəmə prosesi yekunlaşıb.

APA xəbər verir ki, bu gün Bakı Ağır Cinayətlər Məhkəməsində hakim Rasim Sadıxovun sədrliyi ilə keçirilən prosesdə hökm oxunub.

Məhkəmənin qərarına əsasən, Natiq Nüsrətzadə 6 il 6 ay müddətində azaqlıqdan məhrum edilib.

Xatırladaq ki, dövlət ittihamçısı Rauf Malışov onun 8 il müddətindən azadlıqdan məhrum edilməsini istəmişdi.

Qeyd edək ki, Natiq Nüsrətzadə "Azərbaycan Beynəlxalq Bank"ında nəqliyyat departamentinin müdiri vəzifəsində işləyib. İttihama görə, o, işlədiyi dövrdə bankın 48 min manatını mənimsəyib. Həmin ziyandan isə cəmi 21 min manatı geri qaytarıb.

Onun barəsində Cinayət Məcəlləsinin 179.3.2 (külli miqdarda mənimsəmə) və 308.2-ci (vəzifə səlahiyyətlərindən sui-istifadə etmə) maddələri ilə cinayət işi başlanılıb.

Oxşar xəbərlər

Vəkilə qarşı quldurluqda təqsirləndirilən şəxsə hökm oxunub - FOTO

Bakıda avtovağzalın girişində 25 yaşlı oğlanı öldürməkdə təqsirləndirilən şəxsə hökm oxunub

Nazim Bəydəmirliyə hökm oxunub

Bacısını qayışla boğaraq öldürməkdə ittiham olunan şəxsə hökm oxunub

Nazim Bəydəmirliyə hökm oxunub - FOTO