Professor Nəsiman Yaqublu Cəbrayıl rayonu ərazisində yol qəzasında ölüb.

DİN-in Mətbuat Xidmətinin Bərdə regional qrupundan Sizinxeber.az-ya bildirilib ki, bu gün saat 19 radələrində Cəbrayıl rayonu ərazisində sürücü Nəsiman Yaqublu "Nissan" markalı avtomobillə hərəkətdə olan zaman idarəetməni itirərək maşını yol kənarına aşırıb.

Nəsiman Yaqublu müxtəlif dərəcəli bədən xəsarətləri alaraq xəstəxanaya çatdırılıb. Tibbi müdaxilələrə baxmayaraq onun həyatını xilas etmək mümkün olmayıb.

Faktla bağlı araşdırma aparılır.

Qeyd edək ki, məlumata görə, deputatlığa namizəd olan Nəsiman Yaqublu Zəngilanda seçicilərlə görüşdən qayıdırmış.

***

19: 14

Professor Nəsiman Yaqublu yol qəzasına düşüb.

Sizinxeber.az xəbər verir ki, Müsavat Partiyası Məclisinin sədri Arif Hacılı Nəsiman Yaqublunun Zəngilandan qayıdarkən ağır yol qəzasına düşdüyünü bildirib.

Onun sözlərinə görə, N. Yaqublu Füzuli xəstəxanasına yerləşdirilib.

Qəzanın səbəbləri barədə məlumat yoxdur.

Oxşar xəbərlər

Goranboy sakini Rusiyada ağır yol qəzasında faciəvi şəkildə ölüb

Goranboy sakini Rusiyada ağır yol qəzasında faciəvi şəkildə ölüb - FOTO

Beyləqanda avtomobil kanala düşüb, iki nəfər xəsarət alıb