Ötən il iqtisadçı Qubad İbadoğlunun işi ilə bağlı Türkiyədə tutularaq ölkəyə gətirilən azərbaycanlı alim Fazil Qasımovun məhkəməsinin vaxtı məlum olub.

“Report” xəbər verir ki, Bakı Ağır Cinayətlər Məhkəməsində keçiriləcək hazırlıq iclası avqustun 15-nə təyin olunub.

Cinayət işinə hakim Mahirə Kərimovanın icraatında baxılacaq.

Qeyd edək ki, F.Qasımov ötən ilin avqust ayında Türkiyədə saxlanılaraq Azərbaycana gətirilib.

Ona qarşı Cinayət Məcəlləsinin 204.3.1 (saxta pul və ya qiymətli kağızlar hazırlama, əldə etmə və ya satma mütəşəkkil dəstə tərəfindən törədildikdə) maddəsi ilə ittiham irəli sürülüb.

İstintaqın sonunda Fazil Qasımovun işi Qubad İbadoğlunun işindən ayrılıb. Q.İbadoğlunun işi ayrıca icraata götürülüb.

Bir sıra KİV-də yayılan məlumatlara görə, o, FETÖ terror təşkilatına işləməkdə təqsirləndirilir.

Oxşar xəbərlər

Qubad İbadoğlu ev dustaqlığına buraxılıb

Türkiyədən saxta dollar gətirərək satmaqda təqsirləndirilən qadına hökm oxunub

Vaşinqtonda Qubad İbadoğluna dəstək aksiyasında Ermənistan bayrağı qaldırıldı - FOTO

Vaqif Xaçatryanın məhkəməsinin vaxtı bilinib

Vətəndaşlara qarşı hədə-qorxu gəlməkdə təqsirləndirilən şəxsə hökm oxunub