Bakıda motosikletçinin ölümü ilə nəticələnən yol qəzası baş verib.

APA xəbər verir ki, bu barədə DİN-in Baş Dövlət Yol Polisi İdarəsi məlumat yayıb.

Bildirilib ki, hadisə ötən gün saat 06:05 radələrində paytaxtın Xətai rayonu ərazisində qeydə alınıb.

"Belə ki, 8 Noyabr prospektində hərəkətdə olan 99 M 279 nömrəli motosiklet yoldan çıxaraq yerüstü piyada keçidinin dayaq konstruksiyasına çırpılıb.

Yüksək sürət səbəbindən baş verməsi ehtimal olunan ağır yol-nəqliyyat hadisəsi nəticəsində Bakı şəhər sakini, 26 yaşlı Raul İsgəndərov hadisə yerində həyatını itirib. Faktla bağlı cinayət işi açılıb, araşdırma aparılır", - məlumatda qeyd olunub.

Baş Dövlət Yol Polisi İdarəsi bir daha motosiklet, moped və digər bu tip ikitəkərli nəqliyyat vasitələri idarə edən sürücülərə müraciət edərək onları təhlükəsizlik qaydalarına qeyd-şərtsiz əməl etməyə, özlərinin və başqalarının həyat və sağlamlığını təhlükəyə atmamağa çağırıb.

Oxşar xəbərlər

DYP: 6 ayda qəzalarda 12 moped və motosiklet sürücüsü ölüb, 23-ü xəsarət alıb

Azərbaycanda bu ilin 11 ayında 46 motosiklet və moped qəzası olub, 16 nəfər ölüb

NİİM: 6 ayda moped və motosiklet sürücülərinin təqsirindən 4 nəfər ölüb, 16 nəfər xəsarət alıb - VİDEO