Cari ilin 11 ayı ərzində respublika üzrə motosiklet və moped sürücülərinin iştirakı ilə 46 yol-nəqliyyat hadisəsi olub, 16 nəfər həyatını itirib.

"Report" xəbər verir ki, bu barədə Baş Dövlət Yol Polisi İdarəsi məlumat yayıb.

Qeyd edilib ki, sözügedən qəzalarda 34 nəfər xəsarət alıb.

Bundan başqa, məlumat verilib ki, son on beş gün ərzində Neftçala, Şəki, Zaqatala, Kürdəmir rayonları ərazisində motosiklet və moped sürücülərinin iştirakı ilə qeydə alınan 5 yol qəzasında 4 nəfər həyatını itirib, 3 nəfər xəsarət alıb.

"Baş Dövlət Yol Polisi İdarəsi bir daha motosiklet, moped və digər bu tip ikitəkərli nəqliyyat vasitələri idarə edən sürücülərə müraciət edərək onları təhlükəsizlik qaydalarına qeyri-şərtsiz əməl etməyə, küləkli, yağmurlu havalarda xüsusilə ehtiyatlı olmağa, özlərinin və başqalarının həyat və sağlamlığını təhlükə atmamağa çağırır!",- deyə məlumatda qeyd edilib.

Oxşar xəbərlər

NİİM: Moped və motosiklet sürücülərinin bir çoxu piyada səkiləri ilə hərəkət etməklə qaydaları heçə sayır

Moped və motosiklet sürənlərə xüsusi XƏBƏRDARLIQ - VİDEO

NİİM moped və motosiklet sürücülərinə müraciət edib

Bu ilin 10 ayında 10 velosipedçi qəzada həyatını itirib

DYP: Güclü külək yollarda qəza riskini artırır