Nəsimi rayonunda azyaşlıya qarşı soyğunçuluq edən şəxs saxlanılıb

Bakının Nəsimi rayonu ərazisində yerləşən evlərdən birinin qarşısında soyğunçuluq hadisəsi baş verib.

"Sizinxeber.az" xəbər verir ki, naməlum şəxs azyaşlının mobil telefonunu soyğunçuluq yolu ilə talayaraq hadisə yerindən qaçıb.

Nəsimi Rayon Polis İdarəsi 19-cu Polis Şöbəsi əməkdaşlarının həyata keçirdikləri tədbirlərlə əməli törətməkdə şübhəli bilinən, əvvəllər dəfələrlə məhkum olunmuş 38 yaşlı Ceyhun Hadıyev müəyyən olunaraq saxlanılıb.

Faktla bağlı həmin şəxs barəsində cinayət işi başlanıb, araşdırma aparılır.