Fövqəladə Hallar və Daxili İşlər nazirlikləri Laçında baş verən yanğınla bağlı birgə məlumat yayıb.

Sizinxeber.az-nın xəbərinə görə, nazirliklərin Mətbuat xidmətlərinin birgə məlumatında deyilir ki, iyulun 16-da Laçın rayonunun Hoçaz və Mollalar kəndləri ətrafında dağlıq ərazidə baş vermiş meşə yanğını ilə bağlı aparılmış araşdırmalar nəticəsində yanğın hadisəsinin ehtiyatsız davranış nəticəsində törədildiyi müəyyən olunub.

Laçın rayon Sus kənd sakini olan 3 nəfərin dağlıq ərazinin meşə massivində yandırdıqları ocaq çətin relyefli 14 hektar sahəyə yayılıb.

Faktla bağlı başlanmış cinayət işi üzrə yanğın hadisəsini törətməkdə şübhəli bilinən şəxslər polis əməkdaşları tərəfindən saxlanılaraq cinayət məsuliyyətinə cəlb edilib.

Cinayət işi üzrə istintaq hərəkətləri davam etdirilir.

Hazırda FHN-in Dövlət Yanğından Mühafizə Xidməti tərəfindən ərazidə yanğının söndürülməsi istiqamətində müvafiq tədbirlərin icrası davam edir.

Oxşar xəbərlər

Laçında meşə yanğınına görə 3 nəfər məsuliyyətə cəlb olunub - BİRGƏ MƏLUMAT

Şəkidə çətin relyefli dağlıq ərazidə yanğın başlayıb

Gədəbəydə mürəkkəb relyefli dağlıq ərazidə yanğın olub

Cəlilabadda dağlıq ərazidə yanğın tam söndürülüb, meşə zolağı mühafizə olunub

Gədəbəydə meşə yanıb