Yekaterinburqda keçmiş illərdə qətl törəkməkdə ittiham olunan Ayaz Səfərov və Şahin Lalayev qərara etiraz ediblər.

“Report” xəbər verir ki, bu barədə TASS-a Sverdlovsk vilayəti məhkəmələrinin birləşmiş mətbuat xidməti məlumat verib.

Əvvəllər Yekaterinburqun Lenin rayon məhkəməsi 8 azərbaycanlını - Ayaz, Akif, Məzahir, Kamal və Bakir Səfərovları, Əhliman Gənciyevi, Şahin Lalayevi və Əziz Abasovu həbs edib. Akif Səfərov da daha əvvəl həbs qərarına etiraz edib.

"Ayaz Səfərov və Şahin Lalayevlə bağlı vəkillərdən apellyasiya şikayətləri daxil olub", - deyə agentliyin müsahibi bildirib.

Ayaz Səfərov və Şahin Lalayev 19 iyul həbs ediliblər.

Xatırladaq ki, iyunun 27-də səhər Rusiya Federal Təhlükəsizlik Xidməti Yekaterinburqda azərbaycanlıların evlərinə basqın edib. Reyd zamanı iki nəfər öldürülüb, bir neçə nəfər isə xəsarət alıb. Öldürülən azərbaycanlılar tanınmış jurnalist Seyfəddin Hüseynlinin qardaşlarıdır. Onlar iyulun 1-də Ağcabədidə dəfn olunublar.

Azərbaycan Xarici İşlər Nazirliyi iyunun 28-də bəyanatla çıxış edərək, araşdırma aparılmasını və bu yolverilməz zorakılıq aktının günahkarlarının məsuliyyətə cəlb edilməsini tələb edib. Daha sonra XİN-ə Rusiyanın müvəqqəti işlər vəkili çağırılıb, ona baş verənlərlə bağlı kəskin etiraz bildirilib.

Oxşar xəbərlər

Yekaterinburqda həbs edilən Ayaz Səfərov və Şahid Lalayev apellyasiya şikayəti verib

Yekaterinburqda Ayaz Səfərovun məhkəməsi keçirilir

Yekaterinburqda məhkəmə qərarı ilə Ayaz Səfərov 22 gün müddətinə həbs edilib – YENİLƏNİB

Yekaterinburqda zorakılıqla saxlanılan azərbaycanlıların məhkəməsi başa çatıb – YENİLƏNİB 4

Rusiyada döyülən və saxlanılan azərbaycanlıların ADLARI