Səudiyyə Ərəbistanında Həcc ziyarətində olan azərbaycanlı zəvvarlardan isti hava səbəbindən halı pisləşən olmayıb.

Bu barədə “Report”a açıqlamasında QMİ Xarici Əlaqələr şöbəsinin müdiri, Həcc elektron sistem rəhbəri Vüsal Cahangiri bildirib.

“Ərəfat günü bitdi. Hər şey yüksək səviyyədə oldu. Bu gün artıq Qurban bayramıdır. Gecə zəvvarları Ərəfatdan Müzdəlifəyə gətirdik. Oradan isə Minaya gətirdik. Hazırda Minada yerləşiblər, şeytangaha üz tutacaqlar. Oradan isə qayıdıb qurbangahda qurban kəsəcəklər”, – o söyləyib.

Qeyd edək ki, bir nəfər üçün ziyarət paketinin qiyməti 5 950 ABŞ dolları təşkil edir. Qafqaz Müsəlmanları İdarəsi (QMİ) bu il Həcc ziyarətinə getmək istəyən azərbaycanlı zəvvarlar üçün 1 250 kvota yeri ayırıb.

Azərbaycanda 6-7 iyun Qurban Bayramı günləri qeyri-iş günü elan edilib.

Oxşar xəbərlər

Azərbaycandan Həcc ziyarətinə getmək istəyənlər üçün kvota dolub

Həcc ziyarətinə sənəd qəbulunun müddəti yenidən uzadılıb

QMİ-dən çağırış: Həcc ziyarətinə sənəd qəbulu aprelin əvvəlində yekunlaşacaq

Azərbaycanlı zəvvarlar bu axşam Həcc ayinlərinə başlayırlar

Azərbaycanlı zəvvarlar üçün Həcc ayinlərinin vaxtı açıqlanıb