İtkin düşmüş suriyalıların taleyi BMT-də müzakirə edilib

Suriyanın milli institutları, o cümlədən keçid dövrü və itkin şəxslər üzrə milli komissiyaları ilk dəfə BMT formatında təmsil edilib.

"Report" xəbər verir ki, BMT Təhlükəsizlik Şurasının "Suriyada Keçid Dövrü Ədaləti və İtkin Düşmüş Şəxslər" mövzusundakı Arria formatlı ( BMT TŞ üzvlərinə ekspertlər, qeyri-hökumət təşkilatları (QHT) və ya digər maraqlı tərəflərlə birbaşa dialoq aparmağa imkan verən xüsusi toplantı növü) iclasında 125 mindən çox itkin düşmüş şəxsin taleyinə aydınlıq gətirilməsi müzakirə olunub.

Həmçinin Suriya xalqı üçün ədalət və bərpa proseslərinin təmin edilməsi yolları ilə bağlı fikir mübadiləsi aparılıb.

Türkiyənin BMT-dəki Daimi Nümayəndəliyinin "X" sosial şəbəkə hesabında paylaşdığı məlumata görə, suriyalıların rəhbərlik etdiyi və sahib olduğu keçid dövrü ədalət prosesi dəstəklənib.

🇹🇷 at the Arria-formula UNSC meeting on “Transitional Justice and Missing Persons in Syria”:

➡️ Addressing the issue of missing persons is essential for healing the wounds of the past and building a stable future. pic.twitter.com/arv8xslXlV

— Türkiye at UN (@TC_BMDT) July 21, 2026