Tətildən qayıdan məktəblilər soyuq sinif otaqlarında dərs keçmək məcburiyyətində qalıblar. Belə vəziyyət uşaqların xəstələnməsinə, təhsildən yayınmasına səbəb olub.

Oxu.Az Xəzər TV-yə istinadən xəbər verir ki, Mingəçevir Energetiklər yaşayış massivində yerləşən 19 nömrəli məktəbdə istilik sistemi olmadığından sinif otaqlarında elektrikli qızıdırcılardan istifadə olunur.

Son günlər həmin qızdırıcılardan da istifadə edə bilməyiblər.

Valideynlər soyuq şəraitdə dərs keçən uşaqlarının xəstələnərək dərsdən qalmaq məcburiyyətində olduqlarını deyiblər.

Mərkəzi Aran Regional Təhsil İdarəsindən "Xəzər Xəbər"ə bildirilib ki, Mingəçevir şəhəri 19 nömrəli tam orta ümumtəhsil məktəbinin istiliklə təminatı elektrik qızdırıcıları vasitəsilə həyata keçirilir.

Elektrik sistemində qısa qapanmalar səbəbindən məktəbin istiliklə təchizatında fasilə yaranıb. İstilik təchizatının bərpa edilməsi üçün təxirəsalınmaz işlər aparılıb və problem aradan qaldırılıb. Təhsil müəssisəsinin istilik təminatı normal qaydada davam etdirilir.

Ətraflı süjetdə:

Oxşar xəbərlər

Biləsuvarda məktəblərin istilik sistemi yenilənir

Bakıda məktəbə elektrik enerjisinin verilməsində fasilə yaranıb, müvafiq qurumlara müraciət olunub

Bakıda 6 məktəb əsaslı təmirlə bağlı köçürülüb

Bakıda məktəbdə elektrikin verilməsində yaranan fasilə aradan qaldırılıb - YENİLƏNİB

Bakıda məktəb heç bir səbəb göstərilmədən BAĞLANIR? - AÇIQLAMA