Azərbaycan Qida Təhlükəsizliyi Agentliyi (AQTA) bəzi müəssisələrə fitosanitar sertifikatın verilməsini dayandırıb.

"Sizinxeber.az" xəbər verir ki, bu barədə AQTA məlumat yayıb.

Qeyd olunub ki, son günlər Rusiyaya ixrac olunan bir sıra bitkiçilik məhsulları ilə bağlı bu ölkənin Baytarlıq və Fitosanitar Nəzarəti Federal Xidməti tərəfindən AQTA-ya müvafiq bildirişlər daxil olub.

Agentlik məhsullarında uyğunsuzluq aşkarlanması ilə bağlı bildiriş daxil olan müəssisələrə fitosanitar sertifikatın verilməsi prosesi dayandırıb, həmin təsərrüfatlarda monitorinqlərə başlayıb.

AQTA bununla bağlı bitkiçilik məhsullarının ixracı ilə məşğul olan sahibkarlara müraciət edərək bildirir ki, ixrac zamanı məhsulların idxalçı ölkənin fitosanitar tələblərinə uyğunluğuna, həmçinin qablaşdırma və etiketlənmə ilə bağlı tələblərə ciddi şəkildə əməl edilməlidir.

Sahibkarlar bununla bağlı hər hansı peşəkar dəstək və metodiki köməklik üçün AQTA-nın 1003 “Çağrı Mərkəzi” və ya 012-377-00-77 (daxili 238, 215) telefon nömrələri ilə əlaqə saxlaya bilərlər.

Oxşar xəbərlər

AQTA: Bitkiçilik məhsullarının sertifikatlaşması sahəsində imkanlar genişlənib

AQTA tərəfindən Azərbaycandan Çinə quş əti və digər quşçuluq məhsullarının ixracına icazə əldə olunub

AQTA: Azərbaycanda istehsal olunan bir sıra qida məhsullarının ixracı artıb

AQTA ölkəyə yem məhsulları və yem əlavəsi idxal etmək istəyən sahibkarlara xəbərdarlıq edib

Bu il qida zəhərlənmələri ilə bağlı AQTA-ya 238 müraciət daxil olub