Hazırda Azərbaycanda 4 100 nəfər talassemiya daşıyıcısıdır.

Bunu "Report"a açıqlamasında Talassemiya Mərkəzinin Baş həkimi Səhər İsmayılova deyib.

Onun sözlərinə görə, 3 200 nəfər isə rəsmi qeydiyyatdadır.

S.İsmayılova əlavə edib ki, bu xəstəlikdə cins nisbəti bərabərdir, yaş aralığı isə xəstəliyin növünə görə dəyişə bilir:

"2015-ci ildən ölkədə nikaha daxil olan cütlüklərdən bu xəstəliyin analizləri tələb olunur. Elə bu müayinələr nəticəsində bəlli olub ki, əhalinin 4 faizi daşıyıcıdır".

Baş həkim bildirib ki, nəticlərdən onu deməyə əsas verir ki, iki daşıyıcı bir- biri ilə evlənərsə 25 faiz ehtimalla xəstə uşaq doğular, 25 faiz ehtimalla sağlam, 50 faiz ehtimalla isə ana və ata kimi daşıyıcı doğulacaq:

"Qohum nikahlarına qoyulan məhdudiyyətlər də işimizi asanlaşdırır. Bildiyiniz kimi bir çox irsi xəstəliklərin başlıca səbəbi məhz qohum evlilikləri idi".

Oxşar xəbərlər

Baş həkim: Ötən il Azərbaycanda talassemiya diaqnozu ilə 31 körpə doğulub

Ötən il Azərbaycanda nikaha görə tibbi müayinədə xəstəlik aşkarlanan insanların sayı açıqlanıb

Azərbaycan əhalisinin sayı açıqlanıb

Deputat: Qohum nikahlarının qarşısının alınması müsbət nəticələrə gətirib çıxarmayacaq

Ötən il yol qəzalarında 764 nəfər ölüb, 1188 nəfər xəsarət alıb