Bakıda nöqsan aşkarlanan restoranın sahibi barədə inzibati icraata başlanılıb.

Bu barədə "Sizinxeber.az"a Azərbaycan Qida Təhlükəsizliyi Agentliyindən (AQTA) bildirilib.

Qeyd olunub ki, bundan əvvəl fəaliyyətində nöqsanlar aşkarlanan “Top Qapı” ictimai iaşə müəssisəsində qərarın icra vəziyyətinin yerində yoxlanılması məqsədilə yenidən aparılan baxış zamanı restoranının məhdudlaşdırıcı tədbirlərin tətbiqi barədə qərara əməl etmədən və göstərilən nöqsanlar tam aradan qaldırılmadan fəaliyyət göstərdiyi və müəssisədə təmir işlərinin aparıldığı bir vaxtda müxtəlif qidaların emal olunduğu müəyyən edilib.

Faktla bağlı sahibkar barəsində qida təhlükəsizliyi sahəsində dövlət nəzarətinin həyata keçirilməsi çərçivəsində Agentliyin qanuni yazılı tələblərini (qərarlarını) yerinə yetirməməyə görə İnzibati Xətalar Məcəlləsinə uyğun olaraq inzibati icraata başlanılıb və müəssisənin mətbəx sahəsinə nöqsanlar tam aradan qaldırılanadək yenidən müvəqqəti məhdudiyyət tətbiq olunub.

Oxşar xəbərlər

Zaqatalada nöqsanlar aşkarlanan şadlıq evinin fəaliyyəti məhdudlaşdırılıb

“Su Səsi” restoranında nöqsanlar aşkarlanıb

Bakıda ictimai iaşə müəssisəsinin fəaliyyəti məhdudlaşdırılıb

AQTA COP29 ərəfəsində kütləvi qidalanmanın təşkil edildiyi məkanlarda nəzarət tədbirlərini genişləndirib

Nöqsanlar aşkarlanan şadlıq evinin fəaliyyəti məhdudlaşdırılıb